MELVILLE
KRUIS SE ROEPINGSFORMULIER
Ons is deur God drie-enig geroep om vanuit ons eie
gebrokenheid, saam met die stad heel te word in Christus en deur die werking
van die Heilige Gees liefde en gasvryheid uit te leef!
6 Augustus 2017
Liewe Gemeente
Dis heerlike winter en die koue is hier, maar ons het
genoeg rede om die lewe te vier! Die Here is goed vir ons.
Ons gemeente se bydraes was die afgelope maand of twee
beter as wat ons verwag het en ons nuwe Finansies-komitee hou hulle vinger op
die pols. Baie dankie aan elkeen wat finansieël en op ander maniere deel het
daaraan om Melville Kruisgemeente se roeping uit te leef. Jaar tot datum is ons effens beter as wat ons
begroot het, maar daar is ‘n paar noodsaaklike uitgawes waarvoor begroot is,
wat nog aangegaan moet word.
Die gesprek oor die posisionering van die
studentebediening binne ‘n wyer raamwerk gaan steeds voort, en ons is opgewonde
om saam te kan beplan aan hierdie belangrike komponent van ons roeping. Die finansiële volhoubaarheid van die Studentebediening
asook die gemeente se algemene finansiële posisie, is sentraal tot die gesprek. ‘n Taakspan onder leiding
van Marius van Reenen is alreeds besig om innoverend te dink rondom hierdie
kwessies en ons sal binnekort meer terugvoer daaroor gee.
Net soos Bybel lees, vas, gebed, diens en getuienis
geestelike dissiplines is wat ons gereeld moet beoefen om te groei, so ook is
ons finansiële bydraes ‘n geestelike dissipline waarin ons telkens moet groei.
Ons is dankbaar vir elkeen wat gee, en baie keer meer gee
as wat verwag word. Ons verstaan ook dat die huidige ekonomiese klimaat ons
almal raak. Ons wil julle egter steeds aanmoedig om julle bydraes te gee, en/of
dit te hersien. Dit is en bly ons gemeente se grootste en belangrikste bron van
inkomste waarmee ons uitgawes dek. Dit
stel ons ook in staat om met die onderskeie bedieninge kan aangaan.
Bydraes kan gemaak word deur EFT, ‘n debietorder,
Snapscan of inbetaling by die kerkkantoor. Julle is welkom om vir Lara te
kontak by (011) 726 3616 vir meer inligting.
Ons verheerlik juis God wanneer ons gemeente omgee en gee
en deel. Wanneer dit sigbaar en tasbaar word, voel mense tuis in Vierde Laan.
Baie dankie en hope seën!
Groete
Die Kerkraad
Inkomste vs Uitgawes / Income vs Expenses | |||
Inkomste/Income | Uitgawes/Expenses | Netto/Net | |
June 2017 (Werklik/Actual) | R 326,559 | R 328,879 | R -2,320 |
June 2017 (Begroot/Budget) | R 253,103 | R 383,551 | R -130,448 |
Jaar tot datum (Werklik/Actual) | R 1,346,850 | R 1,298,443 | R 48,407 |
Jaar tot datum (Begroot/Budget) | R 1,208,222 | R 1,386,693 | R -178,471 |
No comments:
Post a Comment
Note: only a member of this blog may post a comment.